Cymryd Rhan

Mae Cysylltiadau Hynafol yn ymwneud â phobl a’u perthnasoedd â Gogledd Sir Benfro a Gogledd Wexford, fel trigolion, ymwelwyr, hynafiaid, disgynyddion, ffermwyr, masnachwyr, storïwyr a phererinion. Nod y prosiect yw bod mor bellgyrhaeddol a hygyrch â phosibl ac mae yna lawer o ffyrdd y gallwch chi gymryd rhan, o ymuno ag un o’n rhaglenni hyfforddi cymunedol, i wirfoddoli ar gloddfa archeolegol, mynychu un o’n digwyddiadau cyhoeddus, neu adael i ni wybod am brosiect cymunedol rydych chi’n ymwneud ag ef.

Mae nifer o ffyrdd y gallwch chi gymryd rhan fel gwirfoddolwr gyda Chysylltiadau Hynafol:

Byddwch yn un o’n Helwyr Hanes ac fe gewch chi hyfforddiant ar ymchwilio eich achau neu hanes lleol, creu straeon yn seiliedig ar eich canfyddiadau a’u rhannu nhw ag eraill.
Ymunwch â’n tîm o Lysgenhadon Twristiaeth, sy’n helpu i gadw straeon lleol, treftadaeth a chwedlau’n fyw. P’un ai eich bod yn angerddol am lefydd a straeon lleol, neu eich bod yn gweithio yn y diwydiant twristiaeth, mae ein cynlluniau hyfforddi yn cynnig gwahanol raglenni sy’n gweddu’ch diddordebau.
Torchwch eich llewys a dechreuwch gloddio – gwirfoddolwch ar gloddfeydd archeolegol Porth Mawr gydag Ymddiriedolaeth Archeolegol Dyfed ac yn Ferns gydag IAFS.
Darganfyddwch beth sydd o dan y wyneb mewn safleoedd arwyddocaol yn Sir Benfro a Wexford, a gwirfoddolwch gyda Dig Ventures, arbenigwyr mewn geoffiseg.
Dewch yn Stiward ar gyfer ddigwyddiadau Cysylltiadau Hynafol. O 2021 ymlaen, bydd Cysylltiadau Hynafol yn cynnal nifer o ddigwyddiadau yn Wexford ac yn Sir Benfro. Mae hwn yn gyfle i fod yng nghanol yr hwyl i gyd a chefnogi tîm y prosiect i gynnal digwyddiadau mor rhwydd ac mor ddiogel â phosib.
Byddwch yn Werthuswr – fel rhan o brosiect Cysylltiadau Hynafol, bydd angen i’r tîm gasglu gwybodaeth bwysig gan ymwelwyr i safleoedd allweddol yn Wexford a Sir Benfro, gan gynnwys o ble maent wedi dod, pam eu bod wedi dod, beth maent yn bwriadu ei wneud tra yn yr ardal, ac os oeddent yn ymwybodol o’r cysylltiadau trawsffiniol rhwng y ddau leoliad. Nid oes rhaid i Werthuswyr gael unrhyw sgiliau arbennig, dim ond hwyneb cyfeillgar a pharodrwydd i ymgysylltu efo bobl o bob cefndir.

Cymryd Rhan

Ein Prosiectau Cymunedol